Adeste, fideles,
laeti triumphantes;
venite, venite in Bethlehem.
Natum videte
regem angelorum.
Venite, adoremus, venite, adoremus
venite, adoremus Dominum!
Deum de Deo,
lumen de lumine,
Parturit virgo mater,
Deum verum,
genitum, non factum.
Venite, adoremus, venite, adoremus
venite, adoremus Dominum!
Cantet nunc hymnos
chorus angelorum,
Cantet nunc aula caelestium:
Gloria, gloria
in excelsis Deo;
Venite, adoremus, venite, adoremus
venite, adoremus Dominum!
En grege relicto,
humiles ad cunas
Vocati pastores approperant:
Et nos ovanti
gradu festinemus.
Venite, adoremus, venite, adoremus
venite, adoremus Dominum!
Ergo qui natus,
die hodierna,
Jesu, tibi sit gloria;
Patris aeterni,
Verbum caro factum!
Venite, adoremus, venite, adoremus
venite, adoremus Dominum!
Text:ingeb.org
MIDIS: Herkunft unbekannt
|